Sportning qishki va murakkab texnik turlari bo‘yicha Respublika oliy sport mahorati maktabi Samarqand viloyati Sportning o‘yin turlari va yengil atletika bo‘yicha itisoslashtirilgan sport maktabi hamda Samarqand viloyati Yakkakurash sport turlariga ixtisoslashtirilgan sport maktabi bilan o‘zaro hamkorligi yo‘lga qo‘yilmoqda.

O‘zbekiston Respublikasi Sport vazirligi tomonidan “Sport turlarini rivojlantirish respublika markazlari va Ixtisoslashtirilgan sport maktablarining o‘zaro hamkorlik tizimini takomillashtirish" yuzasidan Sport turlari bo’yicha respublika oliy sport mahorati maktablariga bir qator vazifalar belgilab berilgan.

Mazkur vazifalarni bajarish maqsadida sportning qishki va murakkab texnik turlari bo‘yicha Respublika oliy sport mahorati maktabi direktori Tajimov Eldar Yangabayevich Samarqand viloyati ixtisoslashtirilgan sport maktablari bilan o‘zaro hamkorlik memarandumi imzoladi.

Sportning qishki va murakkab texnik turlari bo‘yicha Respublika oliy sport mahorati maktabi jamoasi bugungi kunga qadar mart-aprel-may oylaridan boshlab reja-grafik asosida Toshkent shahri, Qoraqalpog’iston Respublikasi, Xorazm, Jizzax, Sirdaryo, Andijon, Namangan, Farg‘ona, Samarqand, Qashqadaryo va Toshkent viloyatlarida Respublika oliy sport mahorati maktabi bilan uzluksiz hamkorlikni amalga oshirish, ixtisoslashtirilgan sport maktablari trenerlari va mutaxassis kadrlari tarkibini mustahkamlash kabi zarur masalalar bo‘yicha hamkorlik yo‘lga qo‘yildi.